تاند( دوشنبه ، د سرطان ۲۷ ) په ننګرهار کې د طالبانو د استخباراتو رياست وايي، چې ۴ تنه يې دانسان تښتونې په تور ونیول.
سرچينه وايي، چې نیول شویو کسانو څه موده وړاندې له یو تن څخه څه د پاسه ۱۸ میلیونه افغانۍ اخیستې وې اوبیا یې وژلی و.
د سرچينې د معلوماتو له مخې، دغو کسانو اوس پلان درلود چې یو بل تن له جلال اباد څخه وتښتوي خو موخې ته له رسیدو مخکې ونیول شول.
طالبانو د دغو کسانو هويت نه دی په ډاګه کړی.
د دوی له بیرته واکمنيدو سره، په افغانستان کې د نورو جنايي جرمونو تر څنګ د انسان تښتونې پېښې هم زياتې شوي، چې يو اصلي دليل يې اقتصادي ناورين ګڼل کېږي.