تاند( شنبه ، د سرطان یوولسمه ) د طالبانو د کورنیو چارو وزارت چارواکو ويلي ، چې په کابل ښار کې ېې یو صراف د انسان تښتونکو له منګولو ژغورلی دی.
د دغه وزارت په یوه اعلامیه کې راغلي ، چې ياد شوی صراف د کابل ښار په دویمه ناحیه کې له تښتونکو ژغورل شوی.
سرچېنې د نوموړي صراف د تښتولو نېټه نه ده په ډاګه کړې.
ويل شوي ، چې د دې پېښې په تړاو ۲ تنه تورن کسان نیول شوي دي.
د یو بل خبر له مخې: د طالبانو کورنيو چارو وزارت په هرات کې د ۲۶۰۰ ټنه بې کیفیته تېلو د نیولو خبر ورکړی.
ويل شوي ، چې دغه تېل یوه شرکت بازار ته وړاندې کول ، چې کشف شوی او عاملين یې تر پلټنو لاندې دي.