تاند( سې شنبه ، د سرطان اوومه ) تر هغې وروسته ، چې پاکستان ته د افغانستان د ډبرو سکرو د بېسارو صادراتو خبر ورکړل شو ، افغان فعالانو په دې اړه توند غبرګونونه وښودل.
د پاکستان صدراعظم شهباز شريف د دفتر په ټويټر پاڼه کې راغلي: « که له افغانستان څخه د سکرو واردول همداسې دوام ولري، نو پاکستان به په کال کې تقريبآ ۲ ميليارد ډالرو په ارزښت بچت/ يا په بل عبارت ګټه کړې وي، او د انرژۍ اړتيا به په ډېره ارزانه بيه پوره کړي.»
له دې کبله د طالبانو چارواکو ته خلکو توند غبرګونونه ښودلي او ویلي ، چې په دې کار د افغانستان سره ملي خيانت کوي.
افغان دیني عالم او سیاسي فعال مولانا رحمت الله اندړ په دې اړه لیکلي:« تاسې غوسه ياست چې د ډبرو سکاره په ارزانه پنجاب ته روان دي.پنجاب دا شل کاله د طالبانو د ملاتړ له امله هره سپکه د همدې ورځې لپاره په ځان منله چې افغانستان وزبېښي.»
د افغانستان مشهور ژورناليست او لیکوال ډاکټر داوود جنبش په دې اړه لیکلي:« طالبان باید ددې ځواب ووایي چې د افغانستان ډبرسکاره یې ولې پاکستان ته د ډالرو پرځای د هغه هېواد په بې ارزښنه شویو روپیو قرارداد کړي دي.دا معامله دومره د پاکستان په ګټه ده چې صدراعظم یې ورته څڼې غورځوي. د افغانستان طبیعي زېرمې د افغان ولس مال او پر پاکستان حرام دی.»
د طالبانو له بیا واکمنيدو سره د افغانستان د ډبرو د سکرو لسګونه موټرې هره ورځ پاکستان ته صادرېږي.
دا په داسې حال کې ده، چې افغان سوداګر لا هم شکايت کوي چې د دوی مالونه، تازه ميوې او نور سوداګريز توکي پاکستان ته نه پريښودل کيږي.
د طالبانو چارواکو په دې اړه څه نه دي ويلي.
دوی هره اونۍ د کانونو او پټرولیم وزارت د عوايدو لوړ شوي ارقام خپروي او د عوايدو زياتوالی خپله لاسته راوړنه ګڼي.
د طالبانو منتقدین بيا دوی تورنوي ، چې د افغانستان پر کانونو او نورو شتمنيو يې چور لګولی او هر ډول قیمتي او ملي شتمنۍ په نېمه بيه د خپلو شخصي جیبونو او پاکستاني ګټو لپاره لیلاموي او قاچاقوي.
طالبانو په دې اړه ادعاوې رد کړي دي.
ملا ډالر اخوند خپله ډالر ټولوی خو بیت المال ته کلداری؛حال دا چې ټول واردات په ډالرو ترسره کیږی ۰فاعتبروا یا اولی الابصارـ افلا تعقلون
د اندړ صیب په خبره پنجاب د همدی ورځی په خاطر پر طالبانو مصرف کاوه، البته دا هغه د چا خبره د غوا یو بڅرکی یا غدود ده چی په تصادفی ډول د پاکستان د صدراعظم لخواه بربنډ شو، پاکستان د طالبانو پدی لسو میاشتو واک کی د سلهاو پوځی ګاډو او نور نظامی تجهیزاتو نه نیولی تر ځمکني زیرمو لکه یاقوت زمرد ، همدا رنګه هره ورځ لسګونه لاری بیرایت له ڼګرهار نه پاکستان ته انتقالیږی ، د دی علاوه هره ورځ د نورستان، کنر او پکتیا د ځنګلونو نه په لس هاو په چارتراشی او لرګی بار موټر پنجاب خواته روان دي، په داسی حال کی چی زموږ دښتونه ټول شاړی او بی اوبو پراته دي زموږ د هیواد په اوبو د پنجاب دښتی زرغونیږي .
زموږ د هیواد دا ټولی زیرمی چی د دی مظلوم او په نس وږی په تن لوڅ ولس شتمني ده په داسی حال کی ورباندی د پنجاب لخواه چور اوتالا روان ده چی طالبان ادعا لري چی هیواد یی د پردو د زبيښاد آزاد کړی، مګر زبيښاد تور وي که سپېن ؟ دا څنګه آزادی ده – چی ټول ، واک د پنجابی ده ؟؟؟؟؟؟؟؟؟؟؟