ډول ډول ایسکریم به مو لیدلي او خوړلي وي، په سرخط کې مو هم درته د لوړې بیې د ایس کریم په اړه یو مطلب خپور کړی و، خو راځئ نن د یوه جالب بل ایس کريم په اړه ولولئ.
په جاپان کې د شیوډ په نوم یو داسې ایس کریم خرڅېږي چې د جاپانيانو په خبره، ساری يې په نړۍ کې بل ځای نهشته.
دا ایسکریم په ټول جاپان کې یوازې یو ځای پیدا کېږي او هغه رسټورانټ چې دا ایسکریم په کې پلورل کېږي، هیاکوشو نومېږي.
د دې ایسکریم لوړوالی ۶۳۴ ملي مټره دی او د یوې لوړې ودانۍ په شکل جوړ شوی دی.
دې ایسکریم ته په جاپان کې تر ټولو لوړ ایسکریم ویل کېږي چې په ډېر مهارت سره هم جوړ شوی دی.