تاند( شنبه ، د سرطان څلورمه ) د طالبانو د سرپرست حکومت د کورنیو چارو وزارت په يوه لنډه اعلامیه کې ویلي، چې په هند او نورو هېوادونو کې روزل شوي افغان نظامیان د وطن کادري شتمني ده.
دغه وزارت، چې مشري یې د حقاني شبکې مشر مولوي سراج الدين حقاني کوي، زياته کړې چې چمتو دی څو یاد کسان د خپلو زده کړو او مسلک مطابق په دندو وګوماري.
په اعلامیه کې راغلي:« هیله ده «دوی» هېواد ته ستانهٔ شي او خپلو خلکو ته خدمت وکړي. »
معلومه نه ده ، چې د جمهوري نظام له سقوط څخه وروسته د دغه نظام د واکمنۍ له وخته هندوستان او نورو هېوادونو کې څومره آفغان نظاميان له زده کړو څخه فارغ او هېواد ته نه دي ستانه شوي.
د طالبانو د کورنیو چارو وزیر په یوه بل پيغام کې د ايران او پاکستان تر څنګ له هندوستان څخه هم افغان زلزله ځپلو سره د مرستو له کبله مننه کړې ده.
دا په داسې حال کې ده ، چې د هندوستان يو تخنيکي پلاوی کابل ته د خپل سفارت د بيرته پرانيستلو د چمتووالي په موخه راغلی.
د پاکستان په ډېر ملګرتوب تورنی حقاني ډلې هند ته د نيږدې کیدو تمايل په داسې حال کې څرګند کړی ، چې د حزب اسلامي مشر ګلبدين حکمتيار له يو شمېر پاکستاني خبريالانو سره د ليدنې پر مهال د طالبانو او هندوستان په نيږدې والي انديښنه ښودلې.
نوموړي ويلي ، چې طالبان او اسلام اباد بايد د خپلو اړيکو د نيږدې ساتلو لپاره هڅې وکړي څو د طالبانو اړیکې د هندوستان او پاکستان تر منځ بې توازنه نه شي.
هو د رزیلانو خو خپل هیواد مردار که اوس اروپا هم مرداروي نالت پر دې رزیلانو او دانسانیت پرازیت !