تاند(پنجشنبه، د سرطان دويمه)د لغمان او کونړ پر سرحدي کرښه (کونډ) سیمه کې لسګونه کورنۍ د سختې واورې اوریدو له امله بندې پاتې دي.
د طالبانو چارواکو ويلي ، چې تازه یې د ژغورلو هڅې پیل کړي دي.
د دوی په وينا ، دغه سیمه شاوخوا (۴۰۰۰) متره لوړوالی لري او له چهارشنبې راهیسې په کې تر (۲.۵) متره واوره شوې ده.
د طالب چارواکو په خبره، د خالد بن وليد قول اردو ځواکونه يې د ننګرهار هوايي ډګر ته روان شوي چې په واورو کې ایسار خلک راوباسي.
له څو ورځو راهيسې د سختې زلزلې، سېلابونو او واورو له کبله د هېواد له مختلفو سيمو څخه د زرګونو تنو د مرګ ژوبلې خبر ورکړل شوی دی.