تاند( پنج شنبه ، د سرطان دويمه)د طالبانو د ارتباط کميسیون په هڅو د حامد کرزي د حکومت د ماليې وزير هدايت امين ارسلا هيواد ته راستون شو.
نوموړی د حامد کرزي د موقت حکومت پر مهال د نوموړي مرستيال او بیا ارشد سلاکار پاته شوی و.
هدايت امين ارسلا، چې د پخواني پاچا محمد ظاهر شاه له سياسي جريان سره ېې تړاو درلود ، په ۲۰۱۴ کې ولسمشریزو ټاکنو ته هم نوماند شوی و ، خو يو فيصد رايه يې هم نه وه ګټلې.
هغه د حامد کرزي د حکومت له پای ته رسېدو وروسته په کور و او د حکومتي دندې ترڅنګ یې کوم سياسي او ټولنيز فعاليت نه دی ليدل شوی.
د طالبانو د تماس کميسيون وايي ، چې ګڼو نورو داسې شخصیتونو هم رتباط ورسره نيولی او ژر به هيواد ته را ستانه شي.