تاند(چهارشنبه، د سرطان ۱ مه) د کورنل پوهنتون (Cornell University) ساینسپوهانو داسې مصنوعي پوستکی جوړ کړی چې د لمس، فشار، تودوښې او حتي غوڅېدو یا خوږېدو په وړاندې حساس دی.
د فرانسې د لوموند ورځپاڼې د راپور له مخې، د دغه امریکايي پوهنتون ساینسپوهان له ډېرو مودو راهیسې د یو ډول داسې مصنوعي پوستکي د جوړېدو په تکل کې وو چې د لمس احساس ولري څو بېل بېل حرکتونه له یو بل سره تشخیص کړای شي او حتي تودوښه هم احساس کړي.
د کورنل پوهنتون د ساینسپوهانو له لوري جوړ شوي لاس تقریباً دا ټول هدفونه پوره کړي دي او حتي که خوږ شي، بیا هم کار ته دوام ورکوي.
ویل کېږي چې دا مصنوعي پوستکی به روباټونه د دې جوګه کړي چې خپل چاپیریال یا شاوخوا تشخیص کړای شي.