تاند( دوشنبه، د جوزا ۳۰ مه) له غور ولايت څخه ځايي خبريالانو ويلي، چې د طالبانو ښاري محکمې یو هلک د یوې نجلۍ د مزاحمت له کبله په سزا محکوم او ۲۹ درې وهلی دی.
د غور لپاره د طالبانو د والي وياند ځینو خبريالانو ته دا خبر تایید کړی او ویلي، چې دغه ځوان څه موده مخکې د طالبانو د استخباراتو ځواکونو نیولی و.
ويل شوي، چې پر دغه ځوان نن د طالبانو ښاري محکمې حکم عملي شوی دی.
له غور څخه مخکې هم د ورته پېښو خبرونه ورکړل شوي وو.
د يادونې وړ ده، چې پر رسنيو د پراخو محدودیتونو له کبله ډېری داسې پېښې له رسنیز پوښښ څخه لیرې پاتې کیږي.