تاند، سه شنبه، د ثور ۳۰مه: بلوڅ ازادي غوښتونکو له تېرو لسو ورځو راهیسې په دوهم لوی برید کې د پاکستان ۷ پوځیان وژلي دي.
دا په بلوچستان کې له تېرو لسو ورځو راهیسې دویمه لویه حمله ده چې د بلوڅ ملتپالو لخوا د پاکستان پر پوځیانو ترسره کېږي.
د پاکستان د پوځ مطبوعاتي دفتر د مچ او مند په سیمه کې نن سه شنبه د دوه بریدونو له امله د ۷ پوځیانو وژنه تایید کړې ده: (( ننني تلفت پر سرحدي ځواکونو د سړک د غاړې ماین چاودنه او وسله واله نښته کې اوښتې دي.))
د پاکستان پوځ دغه بریدونه د بلوڅ ازادي غوښتونکو کار بللی دی، دغه غورځنګ چې د پاکستان په غوښتنه تازه امریکا تورلیست ته اچولی، له تېرو اویا کلونو راهیسې د پاکستان پر ضد مبارزه کوي او اسلام اباد تر واکمنۍ لاندې ژوند نه مني.