تاند( چار شنبه، د جوزا ۲۵ مه) د طالبانو رییس الوزرا ملا محمد حسن اخند د خپلې کابینې په غونډه کې ویلي، چې ۳ میلیونه نوي پاسپورتونه دې چاپ او هم دې کوچيانو ته الکترونيکي تذکرې ووېشل شي.
د طالبانو په یوه اعلامیه کې راغلي، چې د کوچيانو د الکترونيکي تذکرو د وېش په اړه د احصايې او معلوماتو ملي ادارې ته دنده سپارل شوې، څو خپله طرحه د طالبانو کابینې سره شریکه کړي.
د پاسپورټونو د چاپ د پریکړې په اړه ويل شوي، چې دا پریکړه د خلکو د پاسپورټونو د ستونزې د حل په موخه شوې ده.
د طالبانو د اعلاميې په اساس، د کابینې غونډې ېې په هوايي ډګر کې له VIP سالونونو څخه د اصولي استفادې او په بهرنيو هېوادونو کې د افغان کارګرو د ستونزو په اړه هم بحث او« لازمې پریکړې» شوي دي.
طالبانو د دغو دوو مواردو په اړه جزييات نه دي ورکړي.