تاند( چار شنبه، د جوزا ۲۵ مه) په کابل کې د طالبانو د امنیه قومندانۍ ویاند خالد ځدراڼ د دغه ښار د وروستيو چاودنو په تور د ۳ تنو د نيولو خبر ورکړ.
د نوموړي په وينا، یاد شوي کسان د کابل ښار له سلیم کاروان سیمې څخه نیول شوي.
د طالب ویاند په خبره، دغو کسانو اعتراف کړی، چې د پیسو په بدل کې ېې د امنيت ضد جرمونه ترسره کول.
سرچینې د یادو کسانو د ملاتړې ډلې، هویت او هغو پېښو په اړه چې دوی پرې تورن دی، څه نه دي ويلي.
په وروستيو کې له کابل ښار څخه د یو شمېر چاودنو خبرونه ورکړل شوي وو.