تاند(يکشنبه، د جوزا ۲۲ مه) په پروان کې روغتيايي چارواکو د دوو سره نښتو ماشومانو د زيږيدو خبر ورکړی.
د پروان د سل بستريز روغتون مسوولين وايي، چې دا ماشومان نن سهار په همدغه روغتون کې زيږيدلي دي.
سرچينه زياتوي، چې ياد شوي ماشومان له زيږيدو څخه وروسته، د کابل د ماشومانو تخصصي روغتون ته ليږدول شوي.
د پروان روغتيايي چارواکو نه دي ويلي، چې په کابل کې به د دغو ماشومانو درملنه وشي کنه؟
روغتيايي چارواکو د دا ډول زيږون د سابقې او صحي عاملینو په اړه څه نه دي ويلي.