تاند(سې شنبه، د جوزا ۱۷ مه) په پروان کې د طالبانو د امنيه قوماندانۍ چارواکي وايي، چې ځواکونو یې ۳ تنه د يوې ښځې په ګډون د داعش ډلې د يوه پوځي ډیپو په تور نيولي دي.
د طالبانو د امنیه قومندانۍ ویاند محمد کامران حبیبي ويلي، چې دغو کسانو سره ۲ ځانمرګي واسکټونه هم نیول شوي، چې دوی چاودنه ورکړې ده.
په ټولنيزو رسنيو کې یوه خپره شوې ویډیو څرګندوي چې د وسلو د دغې ډيپو له چاودولو سره د چاريکار ښار اوسيدونکو ته مالي زیانونه اوښتي دي.
په دې چاودنه کې د پینځو تنو ملکیانو د ټپي کیدو خبر هم ورکړل شوی، خو طالبانو یې په اړه څه نه دي ويلي.
په پروان کې تر دې مخکې هم د داعش ډلې د اړوندو کسانو د نیولو خبر ورکړل شوی و.