تاند(جمعه، د جوزا ۱۳ مه) د ننګرهار په چپرهار کې د خپل پلار د وژنې په تور یو تن نیول شوی.
په ننګرهار کې د طالبانو امنیتي چارواکو ويلي، چې دغه کس عدلي او قضایي ارګانونو ته معرفي شوی دی.
د هغه د هويت او ورپورې شوي تور په اړه نور جزییات نه دي ورکړل شوي.
په وروستيو کې د افغانستان له مختلفو سيمو څخه د ورته پېښو خبرونه زیات شوي.
د اقتصادي فقر زیاتوالی د کورني تاوتريخوالي د ډېرېدو له اصلي لاملونو څخه ګڼل کېږي.
د یو بل خبر له مخې: د طالبانو امنیتي چارواکو په هلمند کې يو تښتول شوی ماشوم له ۱۸ ورځیني لا درکۍ وروسته د تښتوونکو له منګولو خلاص کړی.
په دې اړه نور جزییات نه دي رسنیز شوي.