تاند(پنجشنبه، د جوزا ۱۲ مه) پر خلکو د قیوداتو د وضع کولو په دوام، طالبانو نن په هرات کې ښځينه خیاطانې له کار کولو څخه منع کړي او ورسره خوا کې ېې د جوماتونو د بريښنا د لګښتونو ورکړه پر ځايي خلکو جبري کړې ده.
د ځايي سرچينو په حواله، د ښځينه خیاطانو د کار بندیدو امر د طالبانو د امر بالمعروف ځايي ادارې کړې ده.
د دغې ادارې منسوبين نن په هرات ښار کې د ښځينه خیاطانو کار ځايونو ته ورغلي او ورته ویلي، چې د دوی کار« حرام » دی.
ویل شوي، چې طالبانو ښځینه خیاطانو ته حکم کړی، څو خپلې هټۍ وتړي او له دې وروسته فعالیت ونه کړي.
په یوه بل اقدام کې، د طالبانو ځايي چارواکو د هرات خلکو ته ویلي، چې وروسته له دې باید د خپلو سیمو د جوماتونو پیسې خپله خلک تحویل کړي.
طالبانو خپل دغه امر د هرات ښار د ګذر وکیلانو سره شريک کړی او د عملي کیدو غوښتنه ېې ورڅخه کړې ده.
تر دې مخکې د هرات د جوماتونو د برېښنا پیسې د دغه ولایت د حج او اوقافو ریاست له خوا ورکول کېدې.
طالبانو دواړه پریکړې په داسې حال کې کړي، چې د ملګرو ملتونو د ارقامو له مخې تر ۲۰ ميليونو ډېر افغانان د خوراک کافي خواړه نه لري او هره ورځ زرګونه تنه نور د بې کارۍ او بې سرنوشتۍ له کبله په خطرناکو لارو له افغانستان څخه بهرنیو هېوادونو ته ځي.
طالبانو د خپلو دغو پرېکړو په اړه څه نه دي ويلي.
د خلګو خبره
مَکسَد
طالبانو د رنډۍ بچانو پخپل لاس د لاسی بم غوټۍ کش کړې او پر ځانو ددې لاسی بم د چاودنی اِراده لری چی هیله ده بریالیتوب ئې په برخه سی.
څه د سودر اولاد دی دا !
ښه دا ښځې څه وکړي؟
له تاند هیله کوم د فلسفې او نقد په نامه یوه برخه وېب سایت ته ور اضافه کړي چې هلته خبره سپینه کړو