تاند(پنجشنبه، د جوزا ۱۲ مه) د طالبانو د عامې روغتيا وزارت د پلان او پالیسۍ مرستيال ډاکتر محمد حسن غیاثي نن په خوست کې د اکسيجن د تولید دستګاه پرانیسته.
د یاد شوي وزارت د خبرپاڼې له مخې، دغه دستګاه د خوست د شیخ زاید د فوق تخصص روغتون کې پرانیستل شوې ده.
د چارواکو د معلوماتو له مخې، پر دی دستګاه د آغا خان فاونډیشن او کورډیډ مؤسسې لخوا ۱۶ میلیونه افغانۍ لګښت شوی دی.
ويل شوي، چې دغه دستګاه په ۷ مياشتو کې جوړه او پرانیستل کیدو ته چمتو شوې ده.
یاده دستګاه هره ورځ د ۴۰ بالونه اکسیجنو د تولید ظرفیت لري.
ځايي خلکو د دغې دستګاه په فعاليدو خوښي ښودلې او ویلي، چې د نورو روغتيايي اسانتياوو پراخیدل غواړي.