تاند(سې شنبه، د جوزا ١٠ مه) د طالبانو چارواکو ويلي، چې په بدخشان کې یې خپل څلور وسله وال مخالفین وژلي دي.
د طالبانو د ځايي چارواکو د معلوماتو په اساس، ياد شوي وسله وال د دغه ولایت په تګاب ولسوالۍ کې هغه مهال وژل شوي، چې د طالبانو امنیتي ځواکونو یې پر ضد چاڼیز عملیات ترسره کړل.
سرچينه زياتوي:« د عملياتو په پایله کې څلور ډار اچوونکي وژل شوي او د هغوی پټنځی هم له منځه وړل شوی دی.»
ځينو خبري سرچينو وژل شوي وسله وال د طالبانو خلاف د احمد مسعود په مشرۍ د پنجشېر د مقاومت ډلې اړوند ګڼي.
طالبان په افغانستان کې د بشپړ تسلط او پر ضد یې د هیڅ کوم جنګي قوت د نه موجوديت ادعا کوي، خو ځینې وخت په دا ډول خبرونو او دغه راز سولې ته د خپلو وسله والو مخالفانو په بللو مني، چې پر ضد ېې وسله وال مقاومت دوام لري.