تاند(سې شنبه، د جوزا ١٠ مه) په هلمند کې د طالبانو ځايي چارواکي وايي، چې پاکستان ته ېې چې د غنمو د پراخ قاچاق مخنيوی کړی دی.
د طالبانو یوه ځايي ویاند قاري وحدت وايي چې د هرات – قندهار پر لویې لارې دهلمند د واشېر ولسوالۍ په کمپنۍ سیمه کې هغه پنځوس موټره غنم ضبط کړل شوي چې ګاونډیو هېوادونو ته قاچاق کېدل.
له دې وړاندې د طالبانو د مالیې وزارت هم ټولو ګمرکونو ته لارښوونې کړې وه چې بهر ته د غنمو دقاچاق مخه ونیسي.
طالبانو د یاد شوي قاچاق د عاملينو په اړه څه نه دي ويلي.
له افغانستان څخه په وروستيو کې پاکستان ته د غنمو، وسلو، څارویو او ډېرو نورو شيانو د قاچاق ادعاوې کېږي، خو طالبان یې د مخنيوي پر هڅو ټينګار کوي.