تاند(شنبه، د جوزا ۷ مه) بي بي سي رسنۍ د د ملګرو ملتونو د يوه نا خپور شوي تازه راپور په اساس خبر ورکړی، چې د القاعدې ډلې مشر ایمن الظواهري د طالبانو رهبر ملا هیبت الله اخوند زاده سره د « امیرالمؤمنین» په توګه بیعت کړی دی.
د راپور په اساس، د طالبانو له واکمنیدو سره د ایمن الظواهري غږيږ پیغامونه زيات شوي او ګومان کېږي، چې دې ډلې او مشرانو ته ېې په افغانستان کې د خوندي فعاليت زمينه برابره شوې ده.
طالبانو په دې اړه څه نه دي ويلي، خو مخکې ېې د القاعدې په ګډون ټولو ترهګرو ډلو سره اړيکې او په افغانستان کې پناه ورکول رد کړي وو.
له القاعدې او نورو ترهګرو ډلو سره د اړيکو پرې کول د طالبانو له هغو اساسي ژمنو څخه وه، چې په قطر کې ېې له امریکا سره د سولې په تړون کې کړي دي.
په وروستيو کې يو شمېر امريکايي چارواکو هم په افغانستان کې د داعش او القاعدې ډلو د بيرته منظمیدو اندېښې ښودلې وې، خو طالبانو یې څرګندونې بې بنسټه ګڼلي دي.