تاند(سې شنبه، د جوزا ۳) د افغانستان يوې مشهورې خبریالې انیسه شهید ته د خبريالانو د نړیوال مرکز له لوري د خبريالانو يوه نړيواله جايزه ورکول کېږي.
نوموړې په هغه ډله کې شامله ده، چې سږکال د ياد شوي مرکز له لوري د خبريالۍ جايزه ورته په پام کې نیول شوې ده.
انيسه شهید ته د دې جايزې د ورکړې دليل د کرونا ويروس د ناورين پر وخت د سرچينو د مدیریت په اړه څېړنيز راپور ښودل شوی.
انيسه شهید مخکې د طلوع ټلویزیون خبریاله وه، خو د طالبانو له واکمنیدو سره یې د سلګونو نورو خبریالانو په شان هېواد پريښی او بهر کې ژوند کوي.
نوموړې څه موده وړاندې د یمن د بې ځایه شویو خلکو عکس خپور کړی او ادعا کړې وه، چې ګواکي دا د طالبانو د حملو له کبله غرونو ته د پنجشیر بې ځایه شوي خلک دي.
د هغې دا کار ځینو خلکو رسوا او په اړه یې توند غبرګونونه وښودل.
منتقدینو نوموړې په غیر مسلکي توب او قومي تبعيض خپرولو تورنه کړې وه.
نړیواله ټولنه ( په حقیقت کی استعماری کړیانی ) د خپلو ګټو په اساس دې او هغه کس ته جائزې ورکوی.
د استعمار هغه جائزه کومه چی نن ئې طالب ته ورکړېده ( د وولس پر اوږو د طالب د سپرېدو پروژه ) د مننی! او ستائنی! وړ ده او افغان وولس ډیر ترې راضی ! او خوښ ! دئ.