تاند(جمعه، د ثور ۳۰ مه) د نورستان ځايي چارواکې وایي، چې نن دې ولايت د واما ولسوالۍ د بونې سیمې ځنګل اور اخیستی.
د واما ولسوالۍ لپاره د طالبانو ولسوال مولوي مصباح الدين حیدري وايي چې د ولسي خلکو په ملتیا هڅه کوي چې اور مهار کړي.
نوموړی وايي چې د طالبانو سلګونه سرتېري او ولسې خلک یادې ساحې ته رسیدلي او کوښښ کوي چې اور کابو کړي.
تر اوسه د دغې اور لګېدنې لامل او اوښتي زيانونه نه دي په معلوم.
د یادونې وړ ده، چې افغانستان د ځنګلونو د اور لګېدنې د ورته پېښو د مهارولو لپاره پرمختللي تجهیزات نه لري.