تاند(جمعه، د ثور ۳۰ مه) په کندوز کې د طالبانو ځايي چارواکي تاییدوي، چې ناپېژاند وسله والو نن په دې ولايت کې درې تنه وژلي دي.
د کندوز د امنیې قوماندانۍ طالب ویاند عبیدالله عابد وايي چې د رستاق آباد کلي ته څېرمه ناپېژاند وسله وال د یو صراف په ګډون دیوې کورنۍ درې غړي وژلي او یو بل یې ټپي کړی دی.
نوموړی وايي چې د قاتل د نیول هڅې پیل شوې دي.
د پېښې انګېزه نه ده په ډاګه شوې، خو ګومان کېږي چې د غلا وجه به وي.
د طالبانو له واکمنیدو سره دا ډول پېښې کمې شوې وې، خو د بې کارۍ او فقر له شدت سره یې د زیاتیدو خبرونه ورکړل شوي دي.