تاند(سې شنبه، د ثور ۲۷ مه) د طالبانو د رييس الوزرا سیاسي مرستیال مولوي عبدالکبیر وايي، چې لوی مشر یې ملا هیبت الله اخوند زاده (چې دوی یې امیرالمؤمنین ګڼي) د بهر مېشتو افغان سياسي شخصيتونو د هېواد ته ستنیدو لایحه تایید کړې ده.
نوموړي پرون «له افغان شخصیتونو سره د تماس» په اړه د طالبانو د کمېسیون په ناسته کې وويل: دغه کاري لايحه به ژر اعلان او دا کمېسیون به خپل عملي کار پیل کړي.
د طالبانو سرچينو ويلي، چې دا لایحه به په یوه ځانګړي پروګرام کې اعلان شي.
د دغې لایحې يادونه په داسې مهال ده، چې د طالبانو د اعلان له مخې په نيږدې راتلونکي کې به کابل کې د هېواد د وضعیت او ستونزو په اړه د افغانانو « لویه غونډه» جوړه کړي.
په روسيه کې د طالبانو د رژيم استازي جمال ناصر غروال ويلي، چې دغې ناستې ته د ګډون لپاره بې واکه شوي ولسمشر محمد اشرف غني ته هم بلنه ورکړل شوې ده.
د دغې غونډې نور جزییات نه دي په ډاګه شوي.
په افغانستان کې د« لویې غونډې» اصطلاح نوې او خلکو ته ګونګه ده.
د پخواني ولسمشر حامد کرزي په ګډون مختلفو افغان او نړیوالو لوریو د افغانستان د ناورين په اړه د خبرو او پریکړو لپاره د لوېې جرګې په جوړیدو ټینګار کړی.
معلومه نه ده، چې طالبان ولې لویې جرګې سره حساسيت لري، خو منتقدین یې باور لري چې طالبان د لوېې جرګې د ترکيب او پریکړو نه وېره لري او د « لوېې غونډې» په نوم په خپله پلوۍ د ملایانو او خپلو پلویانو غونډه غواړي جوړه کړي.
البته د ای اس ای د مشري په ورتګ چې اوس کابل کې مېشت ته، دوی د يو ځوان انتقاد نسي زغملی چې په حقايقو ولاړ وي، نو بیا دا خلک څنګه افغانستان ته ستانه سي، ځان پې تاوان ده؟؟
ولا اصلی پوښتنه خو دا ده چى:
هغه لایحه به څوک تصویب کړى کومه چى پکى د ډبجیتالی امیرالمؤمنین څخه وغوښتل سى چى دَ نامالوم آباد کلئ( 🇦🇽🇵🇰🇸🇻🇺🇲🦓 پريږدى او خپل وطن! ته تشريف راوړى.