د بالیووډ مخکښه فلمي ستوری رنویر سینګ په یوه مرکه کې د خپل نوي فلم (جیش بایي جوردار) په اړه مالومات خپاره کړل، په دې خپاره شوو مالوماتو کې د نوموړي د رول په اړه هم تفصیلي بحث شوی دی.
رنوير سينګ وایي، په دې فلم کې مې ځکه د کار کولو پرېکړه وکړه، چې ټوله مرسته راسره د خپل پلار جګجیت سینګ بوناني وه، له همدې کبله ټول الهام مې له خپل پلار اخيستی.
رنوير په دې آند دی، چې زما پلار له موږ سره د کورنۍ د مشر په توګه شتون درلود، له همدې کبله ما د خپل پلار ژوند غنیمت وباله او ډېر څه مې ترې زده کړل.
رنویر سینګ زياته کړه، پلار مې دې ژوندی وي، د هغه لپاره موږ ډېر ارزښت لرو، له سهاره، تر ماښامه هغه د دې لپاره سختې او تنګې ګالي، څو موږ هوسا ژوند ولرو.
رنوير سينګ دا هم وويل: پلار مې غوښتل، چې زموږ لپاره د خپله ټوله انرژي مصرف کړي، څو کورنۍ یې هوساينه ترلاسه کړي، له همدې کبله دا فلم هم زما د کرکټر جیش بایي د سفر اساس دی.