د ننګرهار ولايت له رسنيو دفتر څخه په خپره کړې خبرپاڼه کې راغلي، چې نن د دې ولایت په مرکز جلال اباد ښار سراج العمارت بڼ کې د واليبال سيالي ترسره وشوه.
اعلاميه زياتوي، چې یاده سیالي د ننګرهار د بدني روزنې او ورزش ریاست او د والیبال فدراسیون په همکارۍ د کوچني اختر په مناسبت ترسره شوه، چې په کې ګڼ شمېر د ورزش مینه والو او مسوولیونو ګډون درلود.
په ورته وخت کې بيا د ننګرهار د خوږياڼو ولسوالۍ اړوند د مملې په تاريخي بڼ کې هم وړمه ورځ د کوچني اختر په مناسبت د واليبال سيالۍ پيل شوې وې.
واليبال سيالۍ د کرکټ او فوټبال تر څنګ د ورزش نوموتې سيالۍ بلل کېږي، چې د ننګرهار په ګڼو ولاياتو کې يې مينه وال شته او دا سيالۍ په ليوالتيا ترسره کوي.
قدرمنو تیر اختر مومبارک وروڼو السلام علیکم
بڼ د توپ بازی ځای ندی. بڼ کی ګلان او شنه بوټي وی، چی لغتو او منډو لاندی خرابیږی د فوتبال او ولیبال لپاره ورزشی ستیدیوم او د لوبو میدان پکار دی. افغانان پکی یا ولیبال کوی یا یی د موټرو تمځای یا دوکانونه پکی جوړوی یا پوډر پکی دود کوی. بڼ په تیره تاریخی بڼ لکه د مملی او سراج العماره او کوکب بڼ ځانګړی ساتنه غوواړی تیر رژیم د شورای ولایتی مفسدین د کوکپ بڼ کی اچولی و چی ایله ددوی موټر پکی نه ځاییدل پخوانی ونی او د ګلانو بوټی یی ټول ختم کړی و بله ورځ به ممله تاریخی بڼ هم سپره میدان وی نو د هر کار لپاره ځانګړی ځای وی . نه دا کار د کولو و او نه یی د خبر نشرول په کار و ددی په ځای باید تاند لارښوونه نشر کړی وای
\په زیات احترام سره