تاند:( پنجشنبه، د ثور اتمه) په جوزجان کې د طالبانو ځايي چارواکي وايي، چې يو تعويذګر یې د خلکو د غولولو او په مختلفو نومونو د پيسو ټولولو په تور نيولی.
په جوزجان کې د طالبانو امنیه قومندان ملا سراج الدين احمدي ويلي، چې د محمد کبير په نوم نیول شوي دغه ملا يوازې له یوې کورنۍ څخه ۱۲ زره امريکايي ډالره، ۵۰۰ زره افغانۍ او دوه سیټه سره زر په چل او دوکې اخيستي وو.
د طالبانو قومندان ويلي، چې نیول شوي ملا په چل او دوکې کې ماهر و او پر خپل جرم یې اعتراف کړی دی.
نیول شوي کس خپله په دې اړه څه نه دي ويلي، خو طالبانو یې عکسونه خپاره کړي دي.