تاند:( یکشنبه، د حمل ۲۱ مه) له ختیزو ولایتونو ننګرهار او لغمان څخه په دوه جلا راپورونو کې راغلي، چې ۴ ملکيان وژل شوي او ۴ نور ټپيان دي.
ځايي سرچینې وايي، چې د ننګرهار د بهسود ولسوالۍ په کاریز کبیر سیمه کې انسان تښتوونکو دوه وروڼه د روژه ماتي پر مهال تر هغې وروسته وژلي، چې د دواړو لوريو ترمنځ اخ و ډب شوی دی.
په ننګرهار کې د طالبانو د استخباراتو رییس ډاکټر بشیر ويلي، د پېښې په تړاو دوه کسان نیول شوي دي.
په لغمان کې بيا امنیتي سرچینې وايي، چې د الیشنګ ولسوالۍ په «میل دره» سیمه کې د ځمکې په سر په خپلمنځي شخړه کې دوه کسان وژل شوي او څلور نور ټپيان دي.
د لغمان امنیې قوماندانۍ په يوه خبرپاڼه کې راغلي، چې د شخړې په تور یې ۱۵ کسان نیولي او تر څېړنو وروسته به عدلي او قضايي ادارو ته وسپارل شي.