تاند:( یکشنبه، د حمل ۲۱ مه) د پاکستان پارلمان تېره نېمه شپه، د دغه هېواد صدراعظم عمران خان له واکه ګوښه او د باور رایې ورڅخه بیرته واخيستې.
عمران خان تر آخرې شېبې په واک کې د پاتې کیدو هڅې وکړې، خو مخالفانو یې د پارلمان ۱۷۴ ملاتړې رایې خپلې او تېره شپه د عمران خان په خلاف وکارولې.
د عمران خان د ژغورلو لپاره د پارلمان رییس او مرستیال یې، چې د عمران خان د ګوند اړوند ول، د پارلمان د تېرې شپې غونډه کې له خپلو دندو استعفاوې وکړې، څو عمران خان ته وخت وګټي، خو پارلمان بل موقت انتخاب او د عمران خان خلاف رایه وکاروله.
دا لومړی ځل دی، چې په پاکستان کې يو صدراعظم د پارلمان د باور رایې له اخيستو سره بې واکه کیږي.
د پاکستان د زيږون په ۷۵ کلن تاريخ کې يو ځل هم د دغه هېواد کوم صدراعظم د خپلې دندې ۵ کلنه موده نه ده پوره کړې.
د پاکستان پوځ او ورسره ملګري استخبارات تل د ملکي حکومتونو د ختمولو پړه ګڼل شوي.
له عمران خان سره هم د پوځ ترينګلې اړيکې د هغه د بې واکه کیدو اصلي دلیل ګنل کېږي.
لندن میشتی فلسطینی تحلیلګر ( عبدالباری عطوان ) د عمران خان په هکله په ” رأی الیوم ” خپرونه کی یو په زړه پوری تحلیل وړاندی کړی دئ چی البته ځینی ټکی ئې ما ته بالکل نوی او تازه دی.
امّا زما کلیوالی اند:
لکه څرنګه چی د پاکستان هیڅ صدراعظم پنځه کلونه پر له پسې حکومت نه دئ کړئ نو همداسی زموږ په هیواد کی هم ( د دیموکراسۍ د لسیزی په شمول ) د هیڅ حکومت مشر پنځه کلونه په واک کی نه دئ پاتی سوئ ( ممکن استثناآت تر سترګو سوی وی ).
تصادفاً د پاکستان د ټولو مشرانو د ارمانونو محصول ( پاکستانی ګوډاګی رژیم په افغانستان کی ) خصوصاً مجددی او ربانی او حکمتیار او طالب جان هم پنځه کلونه په واک کی نه دی پاتی سوی چی هیله ده اوسنی ګوډاګی یعنی طالبی – حقانی رژیم هم لدې قاعدې څخه بهر نه وی.