تاند:( شنبه ، د حمل ۲۶ ) د پښتونخوا په مردان کې د عبدالولي خان پوهنتون د محصل او پښتون روښانفکره مشال خان د شپږم تلین له پوره کیدو سره، څېړونکي په پاکستان کې د افراطیت د زیاتیدو خبرداری ورکوي.
مشال خان د یاد شوي پوهنتون د ژونالېزم پوهنځي محصل و.
هغه د ۲۰۱۷م د اپرېل میاشتې په ۱۳مه نېټه قهرجنو خلکو، چې زیاتره د همدغه پوهنتون محصلان وو، په پوهنتون کې دننه د مذهب د سپکاوي په تور وژلی وو.
د نوموړي له وژل کیدو وروسته د پاکستان د حکومت یوه څېړونکي پلاوي ثابته کړه، چې د مشال خان د وژلو لپاره ادعا شوی تور بې بنسټه و او هغه د مذهب سپکاوی نه و کړی.
د مشال خان د وژنې په تور ۵۷ کسان نیول شوي، چې اکثره یې محصلان دي.
د پاکستان د څېړنې او امنیتي علومو د څېړنې مرکز تېر کال په خپل رپورټ کې ویلي د پاکستان د جوړیدو له لږ عمر راهیسې د ۲۰۲۱ پورې د مذهب د سپکاوي په ۱۴۱۵ پېښو کې د ۱۸ ښځو په شمول ۸۹ کسان په صحرایي ډول وژل شوي دي.