تاند:( سې شنبه، د حمل ۱۶ مه) د ګالوپ په نوم د يوه امريکايي بنسټ د نوې سروې پايلې څرګندوي، چې نېمایي افغانان د خپل هېواد د پريښودو په تکل کې دي او غواړي له هرې ممکنې لارې افغانستان نه ووځي.
یاده اداره وايي، چې سروې یې د ۲۰۲۱ ميلادي کال په اګسټ او سپټمبر میاشتو کې کړې ده.
په دې نظر پوښتنه کې پوښتل شويو ۵۶ سلنه نارينه او ۵۰ سلنه ښځينه وو د افغانستان د پریښودو په اړه د خپلو پریکړو خبر ورکړی.
ګالوپ د خپلې نظر پوښتنې په اساس وايي، چې په افغانستان کې شدید اقتصادي ناورين، فقر، بې کاري او د طالبانو له لوري له خپلو ډېرو حقونو د خلکو محرومول د دغه وضعیت اصلي لاملونه دي.
د نظر پوښتنې له مخې، ترکیه، جرمني، کاناډا او امريکا هغه هېوادونه دي، چې ډېر افغانان غواړي ورته لاړ شي.
طالبانو د یادې سروې په اړه کوم غبرګون نه دی ښودلی.
دوی تورنیږي، چې د ناسمو پريکړو په کولو یې له هېواده د خلکو د وتو او په راتلونکي د بې باوره کیدو ستونزه لا زیاته کړي ده.
فکر کوم چې آخر به افغانستان په نړۍ کې اول وطن سي چې وحشي خلک به کې پاتې وي او لکه امازون ځنګلونو کې چې د نړۍ وحشي او هر رنګه ځناور ژوند کې کوي او هر وطن به دوی لکه سپي د بل داړلو ته څنګ سره ساتي