تاند:(چهارشنبه، د حمل درېیمه) د طالبانو له لوري د نجونو د ښوونځیو د نه پرانیستلو په اړه تازه پریکړه په په هیواد کې دننه او بهر له توندو غبرګونونو سره مخامخ شوې ده.
په افغانستان کې د ملګرو ملتونو د سرمنشي د ځانګړې استازې دفتر «یوناما» د طالبانو دغه پریکړه د خواشينوونکې وبلله.
دې ادارې ويلي چې یادې پريکړې سخت انديښمن کړي دي.
د بښنې نړیوال سازمان دا پریکړه «ځورونکې» ګڼلې او ويلي، چې ورته اندېښمن دي.
د افغانستان پخواني ولسمشر حامد کرزي ويلي چې د طالبانو په دې پريکړې سخت خواشينی دی.
نوموړي پر طالبانو غږ وکړ، چې د نجونو تړلي ښوونځي بېرته ژر پرانيزي.
.
د طالبانو په خلاف د مقاومت ډلې یوه ویاند علي میثم نظري وويل، چې طالبان ښځو ته يوازې د «بنده او د یوه داسې موجود په سترګه ګوري چې یوازې د ماشوم د زېږولو لپاره دی.
هغه پر لویدیځو سياستوالو او خبريالانو حیرانتیا ښودلې، چې څنګه له طالبانو څخه نجونو ته د زده کړو د اجازې تمه کوي.
.
د طالبانو پوهنې وزارت نن په هېواد کې د نجونو له شپږم ټولګي څخه د پورته ښوونځيو د پرانيستلو ژمنه عملي نه کړه خو ویې ویل چې د نجونو ښوونځي به تر بلې خبرتیا پورې بند وي.
د طالبانو په اعلاميه کې راغلي:«هر کله چې په دي اړه له شريعت او افغاني دود او کلتور سره سمه جامع طرحه جوړه او د اسلامي امارت د مشرتابه حکم وشي بيا به مکاتبو او ليسو ته رسما خبر ورکول شي.»
دا پریکړه په داسې حال کې شوې، چې د تړلو ښوونځيو د پرانيستلو په اړه د طالبانو ژمنه نن بايد پوره شوې وای.
د طالبانو يوې سرچينې تاند ته وويل، چې دا پریکړه پرون په کندهار کې د طالبانو د لوی مشر ملا هیبت الله اخوند زاده په مشرۍ د دوی د مشرانو په غونډه کې شوې ده.
سرچينې وويل، چې طالبان په دې پریکړه غواړي نړيواله ټولنه تر فشار لاندې راولي چې د دوی حکومت په رسمیت وپېژني.
ط هيڅ هم نه ده او نه د انسانيت تمه تر ليدل کيږي دا هر څه پنجاب په قندهار کې ورته سپارلي او دوی په ټيټ سر په افغانانو مني، خو زه ډاډه يم چې د خلکو حوصله نوره په کمیدو ده او نه خلک غواړي چې ط سره ځان په يو ښيښه کې وګوري او نه ځان له ط خر،غول جهان ته ور پيژني. تعليم زموږ حق ده او نور د پنجاب اشغال نه منو او نه به آخر څوک ورته په ارامه کيني