سه شنبه, جون 18, 2024
Homeخبرونهپاکستاني پولیسو د ملتپال هنرمن کرن خان سپکاوی کړی

پاکستاني پولیسو د ملتپال هنرمن کرن خان سپکاوی کړی

تاند:(يکشنبه، د حوت ۲۹ مه) له پېښور څخه راپورونه وايي چې پاکستاني پوليسو د مشهور ملتپال هنرمن کرن خان کرن د موسيقۍ پر محفل حمله کړې او د موسيقۍ آلاتو د ماتولو تر څنګ يې د هغه سپکاوی کړی دی.

په دې اړه له دې کبله دقيق جزییات نشته چې د پوځ او استخباراتو د ديکتاتورۍ له کبله په پاکستان کې د بيان ازادي نه شته او داسې جنايتونه پکې نه رسنيز کیږي.

په ټولنیزو رسنیو کې په دې اړه خلکو او هنري څېرو توند غبرګونونه څرګند کړي دي.

د پښتو مشهور شاعر او هنرمن امجد شهزاد په دې اړه ويلي:« کرن خان زمونږ ورور زمونږ يار دے او هنر او سندره زمونږ د کلتور يو ځلنده برخه ده ـ کرن خان ټول عمر د باچاخانۍ سندرې وٸيلې دي».

ښاغلي شهزاد له پښتنو ملتپالو ادرسونو غوښتي چې په دې اړه غلي پاتې نه شي.

نوموړی زیاتوي:« پکار ده چې زمونږ قامي ګوند عوامي نېشنل پارټي د پوليس ګردۍ او د پوليس په جامه کښې د طالباناٸزېشن او ښکاره ترهګرۍ په خلاف سخت غبرګون ښکاره کړي او په دغه اړه عملي او قانوني ګامونه پورته کړي».

پاکستاني پولیسو د خپل دغه اقدام دليل نه دی روښانه کړی.

د پاکستان حکومت او اړوندې ادارې له پخوا څخه د پښتنو ملتپالو ډېرې څېرې ځورولي او  مجازات کړي دي.

کرن خان کرن د پښتو ادبياتو دوکتورا لري او د موسيقۍ وتلی ستوری دی، چې ډېری سندرې يې د پښتنو د ويښتيا او په دې برخه کې د پاچا خان د فکر خورونکي دی.

LEAVE A REPLY

Please enter your comment!
Please enter your name here

- Advertisment -

ادب