د اروپايي ټولنې استازی: افغانان د ط له ډاره خپل عقايد نه شي څرګندولای
تاند:(جمعه، د حوت ۲۷ مه) د افغانستان لپاره د اروپايي ټولنې ځانګړي استازي توماس نيکلسن د کابل د سفر په ترڅ کې ویلي چې طالبانو پر افغانستان له بيا واکمنیدو وروسته له خلکو د خپلو عقایدو او نظرونو د څرګندولو حق اخيستی دی.
نوموړي پر خپلې ټویټر پاڼې لیکلي چې افغانان د طالبانو د واکمنۍ له وېرې خپل عقايد نه شي څرګندولای.
د اروپايي ټولنې ځانګړي استازي ټينګار کړی چې د افغانستان حکومت او سياستونه بايد د خلکو د غوښتنو مطابق وټاکل شي.
نوموړي په دې اړه نور جزییات نه دي ورکړي، چې دا کار په کوم ډول کيدای شي.
توماس نیکلسن د کابل د سفر په ترڅ کې وویل، د طالبانو حکومت مخکې تر دې چې د نړیوالو له لوري په رسمیت وپېژندل شي، باید لومړی داخلي مشروعیت ترلاسه کړي.
د اروپايي ټولنې ځانګړي استازي پرون په کابل کې یوې خبري غونډې ته وویل:
«یو حکومت باید د خپلو خلکو له لوري وپېژندل او ومنل شي، وروسته د نړیوال رسمیت موضوع مطرح ده.»
د افغانستان ډېرو سياستوالو او دغه راز د پښتونخوا د بنو سترې جرګې له طالبانو غوښتي، چې د لويې جرګې له لارې د افغانستان د کشالې د حل لپاره لاس په کار او د ازادو ټاکنو په ترسره کولو يو مشروع او منتخب نظام جوړ کړي.
«یو حکومت باید د خپلو خلکو له لوري وپېژندل او ومنل شي، وروسته د نړیوال رسمیت موضوع مطرح ده.»
د اروپايی ټولنی له خوا داسی ښکاره دریځ چی تالبانو ته خپله اینه په لاس ورکړی د افغان ولس دزړه خبره ده. او باید تالب هم پدی وپوهیږی چی د افغانانو سپکول او ذلیله کول او ربړول تالبانو ته پرته له رسوايۍ او سر ټیټۍ بل څه په لاس نه شی ورکولی.
تالبان پدی باوری دی چی د خوار افغان په ستونی خپه ایښودل ددوۍ لپاره کومی بدی پایلی نه لری اود نړیړالو سره دوه مخې تعامل يی نه شی زیانمن کولې.
او همدا علت دی چی د الهی نصرت دعویدار اوس یوازی د کفری نصرت د تر لاسه کولو لپاره شپه او ورځ سرګردانه دی. او د زورواکۍ راپدیخوا يی کوم داسی ګام ندی پورته کړی چی د افغان ولس درایو او غوښتنو د احترام کومی نښی نښانی پکی ولیدل شی.
تالیان فکر کوی چی په نړیوالو کنفرانسونو کی ددوۍ د تعویضونو نسخی او د روانی ناروغانو لپاره ټوټکی چی ددوۍ متخصص ډاکتر ملا مټکی يی د خپل واسکټ په جیب کی همیشه ګرځوی او نړیوالو ته يی بی له ضرورته تجویز کوی د نړیوالو زړونه وګټی او نړیوال هم ددوۍ د تعویضی نسخو او ټوټکو نه ګټه پورته کول شروع کړی.
خو یوه خبره لکه د لمر روښانه ده چی تالبان افغانان او نړیوال نه بله یوازی خپل ځانونه تیرباسی او ددوۍ دا ډول کړنی به ددوۍ دزورواکۍ ژوند نور هم رالنډکړي.
دغه ټوله بدبختي د اروپايي ټولنې او ددوۍ د ميرې امريکې له برکته. دوۍ ددافغانستان د خلکو په سترګو کې نور خاوري نه وراچوي. افغان ولس د اروپاييی ټولنې او امريکا خباثت ښه پيژندل يوازي جاهلان به ددوۍ په خبرو باور کوي. الله ﷻ په دوۍ هم داسي بدبختي راولي