په داسې حال کې چې خپلو افغان خویندو او میندو ته د دې نړیوالې ورځې په مناسبت مبارکي وایم ، دوی ته د ژوند په ټولو برخو کې آسانتیا ، د حقوقو برابري ، خوشحالي او سوکالي غواړم .
د ښځو چارو په نوم تش په نوم وزارت یو بې ګټې او غیر مثمر وزارت وو ، پدې نوم په نورو هېوادونو کې داسې فورمالیتې ادارې نشته . بنا د یو اضافي او بې ګټې ادارې له موجودیت نه ، نه موجودیت ښه دی .
افغانانو ! ښځو ، خویندو او اولادونو ته د تحصیل زمینه برابره کړئ ، که په یوه کور کې یو هلک باسواده شي ، نو یواځې هغه به باسواده وي ، اما که تاسو یوه نجلۍ باسواده کړه ، هغه به خپله ټوله کورنۍ باسواده کړي .
افغانستان یو جنګ ځپلی ، کم نفوسه هېواد دی ، په دې اساس مونږ د خپل وطن آبادي لپاره د ټولو هېوادوالو ، خصوصا د ښځو انرژي ته ضرورت لرو . دوی کولای شي په دفترونو ، ښوونځیو ، روغتونونو او نورو مختلفو ساحو کې برخه واخلي .
د نړۍ په اکثرو هېوادونو کې دفتري کارونه د ښځو له خوا په ډېر دقت سره اجرا کیږي ، لکه پاسپورت ، تذکرې ، رنګارنګ اسنادو ، آرشیف ، احصائې ، روغتونونو ، ښوونځیو کې د ښوونکو په حیث دندې پرمخ وړی .
برعکس نارینه بیا په درندو او شاقه برخو کې لکه عسکري نظام ، کور جوړولو ، سرک جوړولو ، فابریکو او ثقیله صنایعو برخو کې مصروف وي .

د جولا ځویه: مشروع حقوق آیا کار، زده کړه، تحصیل، صحت او امنیت مشروع حقوق ندی؟ ښځی کار غواړی تاسی حکومت یاستی ورته یی مهیا کړی.