تاند(دوشنبه، د حوت ۱۶ مه) د افغانستان بانک وايي، افغانستان ته د بشري مرستو په دوام کې ۳۲ ملیون ډالره نورې نغدې پیسې کابل ته راورسېدې.
د ملګرملتو له لوري دا مرسته په افغانستان کې د نغودو پیسو د ډېرولو او د اقتصادي وضعیت د ښه کېدو په لړ کې راستول شوې دي.
د افغانستان بانک د دې مرستې په خاطر د مننې ترڅنګ د نورو مرستو غوښتنه وکړه.
دې بانک ویلي چې د هر هغه اقدام چې د بېوزلو د ملاتړ لپاره کېري او افغانستان ته اسعار واردېږي، هرکلی کوي.
له دې سره د افغانستان نړیوال بانک ته د سپارل شویو پیسو اندازه ۵۴۰ ملیون ډالرو ته ورسېده.
په وروستیو کې له بهره د ډالري مرستو د رارسېدو له کبله د ډالرو او نورو اسعارو په وړاندې د افغانیو ارزښت بېرته ښه شوی او اوس یو امریکايي ډالر په شاوخوا ۹۰ افغانۍ تبادله کېږي.