تاند:( شنبه، د حوت ۱۴ مه) د هرات په انجیل ولسوالۍ کې تېره شپه د یوې کورنۍ له ۵ غړو څخه سرونه غوڅ کړل شوي دي.
په هرات کې د طالبانو د استخباراتو رياست د مطبوعاتو مسوول ثابت هروي ويلي چې په وژل شويو کسانو کې درې تنه يې ماشومان، يوه يې ښځينه او بل کس نارینه دی.
د طالب وياند په وينا د پېښې د عاملانو په اړه پلټنې روانې دي.
دې سرچينې د یادې پېښې د قربانیانو د هویت په اړه جزییات نه دي ورکړي.
په دې اړه د خپلواکو سرچینو نظر نه دی ترلاسه شوی.