تاند: ( پنجشنبه، د کب پینځمه) د طالبانو د لوړو زده کړو وزير مولانا عبدالباقي حقاني وايي، چې د مالیزیا د بهرنيو چارو وزارت ځانګړي استازي ورسره د لیدنې پر مهال افغان محصلینو ته د سلو تعلیمي بورسونو د ورکړې ژمنه کړې ده.
د سرچينې په وينا، په دې لیدنه کې د افغانستان له پوهنتونونو سره د نورو همکاريو په اړه هم خبرې او بحثونه شوي دي.
ويل شوي، چې د مالیزیا استازي په ننګرهار کې د اسلامي پوهنتون د فعالیدو په اړه مالیزیا ته د یوه پلاوي د سفر په اړه هم خبرې کړي دي.
د ننګرهار د اسلامي پوهنتون د مسلې په اړه د لوړو زده کړو وزارت په اعلامیه کې نور جزییات نه دي ورکړل شوي.
معلومه نه ده، چې مالیزیا د مخکیني جوړیدونکي د فعالیدو او که د بل پوهنتون د جوړېدو په اړه خبرې شوي دي؟