تاند- ساینسپوهان وايي چې تر ټولو ستر کهکشان یې، چې له مځکې کابو ۳ ملیارده نوري کاله  لېرې دی، کشف کړ.

د بي جي آر د راپور له مخې، دا کهکشان، چې (Alcyoneus) السیونس نوم پرې ایښودل شوی، اوږدوالی یې کابو ۱۶ اعشاریه ۳ ملیون نوري کاله دی.

دا په داسې حال کې ده چې د شیدولار کهکشان اوږدوالی تر ۱۰۶ زره نوري کاله یو څه لږ دی.

دا ستر کهکشان د یوه بل کهکشان کوربه دی او ګڼې فوارې لري.

ساینسپوهان باور لري چې دا فوارې د یوه ستر تور سوري یا بلک هول جانبي محصول دی.

السیونس تر اوسه پورې په پېژندل شویو کهکشانونو کې تر ټولو ستر دی او انسان د هغه د شاوخوا په اړه تر دې دمه حدس او ګومان نه شي کولی.