تاند: ( سې شنبه ، د کب درېیمه) د پاکستان له مختلفو زندانونو څخه ۲۳ افغانان ازاد او په تورخم کې طالب چارواکو ته وسپارل شول.
په ننګرهار کې د طالبانو ولايتي ادارې د دې خبر له خپرولو سره ويلي، چې خوشې شويو بنديانو سره د IOM ادارې له لوري د کرايې مرسته تر سره او خپلو کورونو ته ولېږل شول.
طالبانو او پاکستاني چارواکو دواړو د دغو بنديانو د تورونو، بند مودې او خوشې کیدو د څرنګوالي په اړه څه نه دي ويلي.
د طالبانو دیپلوماتیکو چارواکو او قضايي چارواکو هم په دې اړه څه نه دي ويلي.
پاکستان په وروستيو کې په ناقانونه توګه ورغلي افغان کډوال او هغه کسان نيسي، چې په دې هېواد کې ېې د اوسېدو قانوني موده پای ته رسیدلې ده.