تاند: ( دوشنبه ، د دلوې پینځه ویشتمه) د کونړ په څوکۍ ولسوالۍ کې ځايي خلکو ويلي، چې له تېرو څلورو مياشتو راهيسې په دې ولسوالۍ کې د يوې کورنۍ دوو تنکيو ځوانانو ځانونه وژلي دي.
د دې ولسوالۍ یوه اوسیدونکي ځلاند ساپي ويلي، چې دغه ځوانان ارشاد او هېواد نومېدل.
د هغه په وينا، څلور میاشتې مخکې ارشاد ځان وژلی و، خو تازه یې کشر ورور هېواد هم ځان وژلی دی.
نوموړي د پېښې لامل نه دی ښودلی.
ځایي چارواکو په دې اړه څه نه دي ويلي.
په کونړ کې د طالبانو له واکمنیدو سره، د ړنګ شوي ملي پوځ یو شمېر سرتیرو هم ځانونه وژلي وو.
د هغوی د ځان وژنې دلیل وزګارتیا او اقتصادي ستونزې ښودل شوې وې.