تاند: ( يکشنبه ، د دلوې څلور ویشتمه) د طالبانو د ريیس الوزرا اقتصادي مرستیال ملا عبدالغني برادر اخوند په یوه اقتصادي غونډه کې د صنعت کارانو د برېښنا ستونزه څېړلې ده.
د نوموړي مطبوعاتي دفتر ويلي، چې د نورو موضوعاتو د بحث تر څنګ ملا برادر اخند د بریښنا شرکت ته امر کړی، چې د صنعت کارانو د برېښنا ستونزه حل او د اړتيا مطابق برېښنا ورته برابره کړي.
نوموړي ویلي، چې صنعت کاران د بریښنا له کموالي شکایت کوي، چې باید ستونزه یې حل کړل شي.
د ملا برادر اخوند په وینا، د بریښنا د کموالي له امله د صنعت کارانو د تولیداتو او کار بهیر زیانمن شوی دی.