تاند: ( شنبه ، د دلوې درويشتمه) د طالبانو د کډوالو او راستنېدونکو چارو وزير خليل الرحمن حقاني هرات ته د سفر پر مهال ويلي، په پام کې لري چې داخلي بې ځایه شوې کورنۍ بېرته خپلو اصلي کورونو ته واستوي.
حقاني د بشري مرستو پر و ېشلو نيوکه وکړه او ويې ويل وروسته له دې هېڅ یوه موسسه د طالبانو د همغږۍ پرته پر خلکو مرستې ونه وېشي.
نوموړي زياته کړه، چې ټاکل شوې داخلي بې ځایه شویو کورنیو ته په راتلونکي کال کې د کور جوړولو نومرې هم ووېشل شي.
د طالبانو دغه مقام د خپلو يادو څرګندونو په اړه نور جزییات نه دي ورکړي.
په افغانستان کې د وروستیو جګړو له کبله میلیونونه کسان په هېواد کې دننه بې ځايه شوي، چې د سختو ستونزو خبر يې ورکول کېږي.