تاند: ( شنبه ، د دلوې درويشتمه) د طالبانو د اوبو او برېښنا وزارت ایران ته ډاډ ورکړی، چې د اوبو په اړه د ۱۳۵۱ کال د تړون عملي کیدو ته ژمن دي.
دغه وزارت په یوه اعلامیه کې ویلي، چې د یاد شوي تړون د ټولو فني، حقوقي او نورو برخو عملي کولو ته ژمن دي.
طالبانو دا اعلامیه په داسې مهال خپره کړې، دوه اونۍ مخکې د ایران یو شمېر خلکو د افغانستان پولې ته نېږدې لاریون وکړ او غوښتنه یې وکړه، چې د کمال خان بند اوبه دې ایران ته ورخوشې او هم افغانستان ايران ته د اوبو حقابه ورکړي.
په وروستيو کې ايراني رسنيو د خپلو چارواکو په حواله داسې راپورونه هم ورکړي وو، چې ګواکې طالبانو د کمال خان بند اوبه ايران ته ور پريښي دي.
طالبانو بيا په دې اړه ادعاوې رد کړې او بې بنسټه ګڼلې وې.