تاند، سه شنبه، د ثور ۳۰مه: د افغان سولې لپاره د امریکا ځانګړی استازی زلمی خلیلزاد د سولې د هوکړې په اړه د لا پرمختګونو د رامنځته کولو لپاره د دوحې اوکابل په سفر راوتلی دی.
د امریکا د بهرنیو چارو وزارت وايي، نوموړی به د تاوتریخوالي کمولو او بندیانو د چټکې تبادلې لپاره د اړینو اقداماتو په اړه د بحث تر څنګ د وروستي خنډو ځنډ په اړه هم له افغان حکومت او طالبانو سره خبرې وکړي.
د امریکا د بهرنیو چارو وزارت اعلامیه وايي، خلیلزاد د می په ۱۷مه کابل او دوحې ته په سفر روان شوی او هغه به افغان چاراکو سره د بین الافغاني مذاکراتو د ژر تر ژره پیل لپاره د چټکو اقداماتو په پیلولو لیدنه وکړي.
امریکا تر اوسه د دوحې د لیدنو جزیات نه دي خپاره کړي خو وايي، دغه هیواد د افغان کشالې د غورهحال لپاره د ټولو لوریو په راټولولو ټینګار لري او هڅه هم ورته کوي.
دا په داسې حال کې ده چې افغان حکومت د سولې په مخه کې خپل لوی خنډ هوار کړی او عبدالله عبدالله سره یې د روغې جوړې په ترڅ کې هغه د مصالحې شورا رئیس ټاکلی دی.
دا ډیر ګرځي ، په کرونا به اخته نشي .
د مظلومو افغانانو په کیسه کې ندی، خو د خپل شرمیدلي تړون له پاره هلې ځلې کوي ، چې خپلې پښې د افغانستان نه وباسي .. لکه د ویتنام په شان مو دلته هم ګلان وکرل ..
دا سړی د طالبانو نه دفاع کوي، د هغوی سپیناوی کوي، د هغوی نه د ویاند او مدافع وکیل په شان ملاتړ کوي ، او د افغان حکومت دریځ ردوي ،کوم چې د مظلومو ولسونو اواز او استازیتوب کوي .