تاند: ( یکشنبه ، د دلوې لسمه) د افغانستان پخواني ولسمشر حامد کرزي ويلي چې ده او د سقوط شوي جمهوري نظام شريکوال ډاکټر عبد الله طالبانو ته په ګډه لیک لیکلی.
حامد کرزي په یوه ټلویزیوني مرکه کې دا خبره کړې، خو نه یې دي ويلي چې لیک یې کومو طالب مشرانو ته لیکلی دی.
کرزي ويلي، له طالبانو یې غوښتي چې د افغانستان له سیاستوالو سره د لوېې جرګې د جوړېدو په اړه خبرې وکړي، چې د افغانستان راتلونکې ورسره روښانه شي.
کرزي په دې اړه د طالبانو د ځواب په تړاو څه نه دي ويلي.
د طالبانو یو شمېر سیاسي متحدانو او له هغې ډلې د حزب اسلامي مشر ګلبدين حکمتيار د لویې جرګې د غوښتنې مخالفت کړی او په ضمني ډول یې د ټاکنو له لارې د هېواد د برخليک معلومیدو غوښتنه کړې ده.
يو شمير طالب سرچینو بيا ويلي، طالبان د خپل حکومت د ملي مشروعيت د ترلاسه کولو لپاره د لویې جرګې په شان د يوې شورا د رابللو په تکل کې دي.
Their Jirga would be exactly as their Mullayee Emarate and it would be made only from mullahs no one else. No one will accept it like this.