تاند:( سې شنبه، د دلوې پینځمه) د طالبانو د حکومت وياند ذبيح الله مجاهد وايي، چې پرون په بلخ کې هغه ۴۰ تنه ونیول شول چې په غیر قانوني توګه یې د هوا له لارې بهرته د تلو هڅه کوله.
د هغه په وينا، یاد کسان د پلټنو لپاره لنډمهاله توقیف شول او څه یې بیرته خوشې شول.
نوموړي زياته کړې، چې د دوی له ډلې هغه انجونې لا هم په توقیف کې دي چې وارثان یې لاندي حاضر شوي.
طالب وياند زياتوي، چې د انجونو لپاره په ښځینه توقیف خونو کې انتظام شته.
ذبیح الله مجاهد د نیول شویو کسانو د ادعا شوي ناقانونه بهرني سفر په اړه نور جزییات نه دي ورکړي.
په دې اړه د خپلواکو سرچینو معلومات نه دي تر لاسه شوي.