په بدن کې د ویټامین بي ۱۲ کمیدل عصبي ناروغۍ حتې لیونتوب پیدا کولای شي.
کوبالامین یا ویټامین بي ۱۲ په اوبو کې یو منحل ویټامین دی چې کمښت یې د ماغزو او اعصابو د اختلالونو سبب کېږي .
دا ویټامین له خولې نیولې تر کولمو په بدن کې جذبیږي او د جذب په هر پړاو کې ستونزه په بدن کې د دې ویټامین د کمښت لامل کېږي.
په طبعي ډول دا ویټامین یوازې په حیواني محصولاتو کې موندل کیږي خو د هغه ترکیبي ډول په بازار کې په پراخه کچه موندل کیږي .
دا ویټامین په ځیګر
سره غوښه
هګیو
د کب غوښه
د کب غوړو
او پنیر کې موندل کېږي.
همداراز دا ویټامین په بدن کې تر یوه کاله زیرمه کیدای هم شي او ډیر مصرف یې هم تاواني نه دی ځکه د بدن تر اړتیا زیات یې یا خو په ځیګر کې زیرمه کیږي او یا هم د بدن د هضمي سیستم له لارې اطراح کیږي .