تاند:( شنبه، د دلوې دويمه) د ننګرهار په ښېوې ولسوالۍ کې په لومړي ځل سلګونو کسانو د جمهوري نظام د یوه امنیتي سرتیري د وژلو خلاف غونډه کړې ده.
دغه سرتېری عبدالحمید نومیده، چې د خپلو دوو سرتېرو وروڼو په ملتيا طالبانو نیولی او سخت شکنجه کړي وو.
د سیمې اوسیدونکي وايي، چې د دغو درېیو تنو له ډلې د عبدالمجید په نوم مخکینی امنيتي سرتېری د طالبانو د شکنجې له کبله وژل شوی دی.
په ننګرهار کې د طالبانو امنیه قومندان شیخ ندا محمد نديم هم دا پېښه تایید کړې او ويلي، چې په ښېوه کې یې د خپل امنيه قومندان په ګډون ۸ طالب چارواکي او امنیتي منسوبین د دغه مخکيني سرتېري د شکنجې او وژلو په تور بنديان کړي.
شیخ ندا محمد نن ښېوې ولسوالۍ ته د خلکو د اعتراضیه غونډه کې هم ګډون کړی او ترې غوښتي، چې خپل اعتراضیه حرکتونو ته دوام ورنه کړي.
طالب قومندان د وژل شوي مخکيني سرتېري کورنۍ ته د خواخوږۍ لپاره هم ورغلی او خلکو ته يې د نوموړي د قاتلانو په اړه د « شرعي حکم» د تطبيق ډاډ ورکړی.
د افغانستان د جمهوري نظام د ځانګړو ځواکونو قومندان جنرال فرید احمدي نن په یوه مرکه کې طالبان تر تورن کړل، چې د ۵۰ ځانګړو ځواکونو په ګډون یې تر زرو پورې افغان امنيتي او دفاعي ځواکونه وژلي دي.
طالبان بيا په دې اړه ادعاوې بې بنسټه ګڼي، خو د يادونې وړ ده، چې په دې اړه يو ګڼ شمېر مستندې ویډیوګانې خپرې شوي.
دا لومړی ځل دی، چې ولسي خلک پر اعتراضیه حرکتونو د طالبانو د ځپونکو قیوداتو باوجود په ننګرهار کې د طالبانو له لوري د افغان ځواکونو د وژلو خلاف پراخه غونډه کوي.
دا د هر افغان حق ده چې نور د خپل افغان د ژوند د ساتنې لپاره لاس په کار سي، نه دې نور د طالبانو ګټو ته خپل ځان او مال سپاري نه دې د بل لپاره خپل وطنوال او وطن تبا کوي، دې کار ته د هر افغان د ژوند د ساتلو لپاره بايد هر يو له داسې کړونو تېر سي چي هم دی خپله کې تباکيږي او هم بل افغان او افغانستان. د قاتل او جابر د مخنيوی لپاره افغانان بايد خپل منځونو کې يو سي، د وطن ګټو او د افغانانو د ژوند د ساتلو لپاره چې په کار نسو زموږ ځوانان او کدرونه به تل د يو سپک سړي، حاکم لخوا وژل کيږي….
ټول افغانان باید د سولییزو لارو څخه د خپلو حقوقو او ارزښتونو د خوندیتوب او غوښتنې لپاره مدني حرکتونه، مزاحمتونه، غبرګونونه غونډې جرګې او مرکې وکړي، او د دې لارې نه دې د خپلو هیوادوالو او خاورې لپاره غږ پورته کړي، او د ظلم او جبر خلاف دې غږ پورته کړي.
former army members killing by isi&talibs,
talibs are response for any one who killing in country
WE HAVE TO BE UNITED AGAINST OUR ENEMY. PAKISTAN+I S I +TALIBS.
ALWAYS BE UNITED AFGHANS