تاند:( چار شنبه، د جدي نهه ویشتمه) په بلخ کې د حنیفه نظري په نوم د سولې او مدني فعالیتونو یوه فعاله پرون ناڅرګندو موټر سايکل سپرو کسانو د خپل کور مخې ته په ډزو وژلې ده.
د ځایي سرچینو په حواله، نوموړې د ټوپک په ګولۍ، په تندي ويشتل شوې او ځای پر ځای وژل شوې ده.
مېرمن نظري په بلخ کې د سولې د ښځينه فعالانو د ډلې غړې هم وه او په ډېرو مدني فعالیتونو کې یې ګډون درلود.
هغه د بلخ د چهارکنت ولسوالۍ اوسیدونکې وه، خو په مزار شريف ښار کې یې ژوند کاوه.
د حنیفه نظري کورنۍ او په بلخ کې د طالبانو ځايي چارواکو په دې اړه رسنيو ته څه نه دي ويلي.
څه موده مخکې هم په مزار شريف کې د څو ښځینه مدني فعالانو وژل شوي جسدونه تر لاسه او طالبان یې په وژلو تورن شول، خو طالب چارواکو دا تور رد کړی و.